फोटो : यवतमाळ : जिल्हाधिकारी यांना निवेदन देण्यासाठी आलेले शिवसैनिक व युवासैनिक.
—————-
पदाधिकारीवरील दाखल गुन्हे रद्द करावे
यवतमाळ युवासेना शहरची मागणी
———————-
यवतमाळ : जनहितार्थ कामासाठी हजर असणारे यवतमाळ पालीकेचे नगरसेवक तथा शिवसेना शहर प्रमुख पिंटू बांगर यांच्यावर सुडबुद्धीने दाखल केलेले गुन्हे मागे घ्यावे या मागणीसाठी यवतमाळ युवासेना शहर तर्फे आज गुरूवारी (ता.९) रोजी जिल्हाधिकारी यांना निवेदन दिले.
अमृत योजनेची मुदत संपूनही अद्याप यवतमाळकरांना पाणीपुरवठा झालेला नाही . सदर कामास विलंब करणाऱ्या कंत्राटदारास काळ्या यादीत टाकण्यात यावे व शहरवासींना तातडीने अमृतच्या पाणीपुरवठा करावा , या जनहिताच्या मागणीसाठी आंदोलन करणाऱ्या शिवसैनिकांवरच मजिप्राच्या अधिकाऱ्यांनी फौजदारी स्वरूपाचे गुन्हे नोंदविले . हा प्रकार यवतमाळकरांवर अन्यायकारक असून वेळेवर पाणी देण्याऐवजी निकृष्ट दर्जाचे अमृत योजनेचे काम करणाऱ्या कंत्राटदाराला पाठबळ देण्याचे काम शासन करीत आहे . २०१ ९ मध्ये अमृत योजनेचा काम पुर्ण करण्याचे उदिष्ट्ये होते . वेळेत काम न करणे , तसेच बेंबळावरून यवतमाळसाठी टाकलेली जलवाहीनी वारंवार फुटण्याच्या घटना समोर आलेल्या आहे असे असतांना कंत्राटदारास काळ्यायादीत टाकणे अपेक्षीत होते . मात्र तसे न करता काम चांगले करून घेण्याऱ्या यवतमाळचे लोकप्रतिनीधी तथा शिवसेना शहरप्रमुख यांच्यावर गंभीर स्वरूपाचे गुन्हा दाखल करणे हे दडपशाही आहे . जनतेच्या समस्यांचे आवाज उठविणाऱ्या , लोकशाही मार्गाने आंदोलन करणाऱ्या पदाधिकाऱ्यावर असे गुन्हे दाखल होणे फार चुकीचे आहे . अमृत योजनेच्या कामाची चौकशी करून पदाधिकाऱ्यांवर दाखल गुन्हे रद्द करावे तसेच सदर अमृत योजनेचे काम दर्जायुक्त करावे या मागणीचे निवेदन आपल्या सेवेशी सादर करीत आहे . महोदय यवतमाळकरांच्या गंभीर प्रश्नाची आपल्यास्तरावर तात्काळ दखल घ्यावी अशी मागणी निवेदनाद्वारे केली. निवेदनावर युवासेना उपशहरप्रमुख ऋषभ आसकर, सचिन तोंडरे,युवासेना तालुका प्रमुख पवन शेंद्रे, विशाल बरोरे,अक्षय पाखरे,अक्षय जाधवर,सौरभ इरवे,पवन कुर्वे,कार्तिक लांजेवार,अनिकेत थोरात,संजय कोल्हे,कंटेश तायडे,आदींच्या स्वाक्षऱ्या आहे.